Amour ne m'amoit ne je li Lyrics

Je me tenoie rudement
Et haoie l'esbatement
Et fuioie les compagniez
Ou on menoit les bonnes viez ;
En riens de moy ne me chaloit,
Qu'a mon gré autant me valoit
A faire une tresgrant rudesce
Com de faire une gentilesce.
Amour ne m'amoit ne je li,
Ainçois ressambloie a celi
Qu'on compere a une viez souche
Qui en un grant marés se couche
Et qui dou marés si se cuevre
Que nulz ne la puet mettre en oeuvre,
N'on ne la puet tirer de la
Pour l'yaue qui couverte l'a.

Guillaume de MAchaut (1300-1377)
Le Livre du voir dit, vv. 839 - 849