Pojat Lyrics

Fòc che nol scalda, quert dała tera
Bruxa de sòt, da l'aria sconđest.
Col vent, coa piòva, col calt e 'a bufera
De dì e de notm i l'ha sempre tenđest.

Ore de bosch, pic e manera
Carbon de fagher j'ha sempre venđest
Ma ła tos che ruba son ała sera
Quea sul let de not te portarà.

Lunga la veglia del carbonaro
Lunga ła notte, senza mai ciaro
Gràfia el fun int'ea goła
Fun che'l pesa e 'l xoła.

Scura ła tera sote l'ajal
Scure łe neole sora ła val
Pian el foc se ga magnà
Vite perse int'el pojàt!

Sac sora i mus i'è cargai,
Scalda de pì e pesa de manco,
Int'el pojàt i tam j'è calai,
Ma a ogni sospiro fa mal al fianco.

Caldo al fiol el larin l'ha tegnuo,
El carbon l'ha portà pan int'ea toła,
Nero del carbonaro l'è 'l sputo,
Bianca dai oci l'è ła ẑenre che coła.

Col vent, coa piòva, col calt e 'a bufera
De dì e de notm i l'ha sempre tenđest.

Lunga la veglia del carbonaro
Lunga ła notte, senza mai ciaro
Gràfia el fun int'ea goła
Fun che'l pesa e 'l xoła.

Scura ła tera sote l'ajal
Scure łe neole sora ła val
Pian el foc se ga magnà
Vite perse int'el pojàt!