Log In
Register

Hit helga Tré Lyrics

Burzum - Umskiptar
Band
Album

Umskiptar

(2012)
TypeAlbum (Studio full-length)
GenresBlack Metal, Ambient
LabelsByelobog Productions
Ranked#277 for 2012 , #7,778 all-time
Album rating :  72.3 / 100
Votes :  15
4. Hit helga Tré (6:51)
Track rating :  100 / 100       Votes :  1       [ ]
Þar var Draupnir
ok Dolgþrasir,
Hár, Haugspori,
Hlévangr, Glóinn,
Dóri, Óri
Dúfr, Andvari
Skirfir, Virfir,
Skáfiðr, Ái.

Alfr ok Yngvi,
Eikinskjaldi,
Fjalarr ok Frosti,
Finnr ok Ginnarr;
þat mun æ uppi
meðan öld lifir,
langniðja tal
Lofars hafat.

Unz þrír kvámu
ór því liði
öflgir ok ástkir
æsir at húsi,
fundu á landi
lítt megandi
Ask ok Emblu
örlöglausa.

Önd þau né áttu,
óð þau né höfðu,
lá né læti
né litu góða;
önd gaf Óðinn,
óð gaf Hænir,
lá gaf Lóðurr
ok litu góða.

Ask veit ek standa,
heitir Yggdrasill,
hár baðmr, ausinn
hvíta auri;
þaðan koma döggvar,
þærs í dala falla,
stendr æ yfir grænn
Urðarbrunni.

Þaðan koma meyjar
margs vitandi
þrjár ór þeim sæ,
er und þolli stendr;
Urð hétu eina,
aðra Verðandi,
- skáru á skíði, -
Skuld ina þriðju;
þær lög lögðu,
þær líf kuru
alda börnum,
örlög seggja.

Þat man hon folkvíg
fyrst í heimi,
er Gullveigu
geirum studdu
ok í höll Hárs
hana brenndu,
þrisvar brenndu,
þrisvar borna,
oft, ósjaldan,
þó hon enn lifir.

Heiði hana hétu
hvars til húsa kom,
völu velspáa,
vitti hon ganda;
seið hon, hvars hon kunni,
seið hon hug leikinn,
æ var hon angan
illrar brúðar.

Þá gengu regin öll
á rökstóla,
ginnheilög goð,
ok um þat gættusk,
hvárt skyldu æsir
afráð gjalda
eða skyldu goðin öll
gildi eiga.
Share on Facebook
Share on Twitter
Added by level
Burzum - Umskiptar
Umskiptar - Lyrics
1.  Blóðstokkinn Lyrics2.  Jóln Lyrics
3.  Alfadanz Lyrics▶   4.  Hit helga Tré Lyrics
5.  Æra Lyrics6.  Heiðr Lyrics
7.  Valgaldr Lyrics8.  Galgviðr Lyrics
9.  Surtr Sunnan Lyrics10.  Gullaldr Lyrics
11.  Níðhöggr Lyrics
Burzum - Umskiptar
Umskiptar - Album Credits
Members
Info / Statistics
Artists : 45,864
Reviews : 10,002
Albums : 164,431
Lyrics : 216,492